ગુજરાતની અંદર ગુજરાતી ગાયકોની બોલબાલા છે. ગુજરાતની ધરતી પર ઘણા બધા ગાયકો છે, જેમણે પોતાની મહેનતથી પોતાનું આગવું નામ બનાવ્યું છે. ત્યારે આ કલાકારો ચાહકો વચ્ચે પણ તેમની ગાયિકી અને તેમના અંગત જીવનને લઈને હંમેશા ચર્ચામા રહેતા હોય છે. છેલ્લા થોડા સમયમાં જ ઘણા બધા ગાયક કલાકારોએ પોતાના માટે લક્ઝુરિયસ કાર ખરીદી છે.
ત્યારે હવે આ લક્ઝુરિયસ કાર ખરીદવામાં વધુ એક ગાયિકાનું નામ પણ જોડાઈ ગયું છે. ગુજરાતની લોકપ્રિય ગાયિકા કિરણ ગજેરાએ પોતાના માટે એક શાનદાર કાર ખરીદી છે, આ કાર ખરીદવાની ખુશી ખુદ કિરણ ગજેરાએ જ તેના સોશિયલ મીડિયામાં તસવીરો પોસ્ટ કરીને વ્યક્ત કરી છે. જે હાલ ખુબ જ વાયરલ થઇ રહી છે.
કિરણે આ તસવીરો શેર કરવાની સાથે જ કેપશનમાં પણ લખ્યું છે કે “હવે સમય છે મારી જાતને ગિફ્ટ આપવાનો. ન્યુ ફેમેલી મેમ્બર.” આ સાથે જ કિરણે કઈ કાર ખરીદી છે તેના વિશે પણ તેણે જણાવ્યું છે. કિરણના જણાવ્યા અનુસાર, તેને હ્યુન્ડાઇની Alcazar Signature (O) AT 7S ખરીદી છે, જે દેખાવમાં ખુબ જ શાનદાર લાગી રહી છે.
હ્યુન્ડાઇની Alcazar Signature (O) AT 7Sની એક્સ શો રૂમ કિંમત 19.75 લાખથી શરૂ થાય છે. આ 7 સિટર કાર છે અને 1999 સીસીના એન્જીન સાથે આવે છે. કિરણે ખરીદેલી આ કાર બ્લેક રંગની છે. જે દેખાવમાં ખુબ જ શાનદાર છે. આ કાર ફીચર્સથી પણ ભરપૂર છે. ત્યારે ચાહકો પણ હવે કિરણને આ કાર ખરીદવા માટે શુભકામનાઓ પાઠવી રહ્યા છે.
કિરણ દ્વારા શેર કરવામાં આવેલી તસવીરોમાં તે કાર સામે ઉભી રહીને અલગ અલગ પોઝ આપતી જોવા મળે છે. સાથે જ તેના પરિવારજનો પણ આ કાર ખરીદવા સમયે તેની સાથે જોવા મળી રહ્યા છે. કિંજલે હાથમાં થાળી લઈને કારની પૂજા પણ કરી હતી. કિરણે આ કાર સુરતમાં હ્યુન્ડાઇના શોરૂમમાંથી ખરીદી છે.
તમને જણાવી દઈએ કે કિરણ ગજેરા પણ ગુજરાતની લોકપ્રિય ગાયિકાઓ ગીતાબેન રબારી, કિંજલ દવેની જેમ જ એક મોટું નામ ધરાવે છે, તેમને પણ સોશિયલ મીડિયામાં ઘણા લોકો ફોલો કરે છે. સાથે જ કિરણના ગીતોને પણ ચાહકો ખુબ જ પસંદ કરતા હોય છે. કિરણ ગુજરાતમાં જ નહિ પરંતુ દેશ વિદેશમાં પણ કાર્યક્રમો કરે છે.
